Daymi nebdha

Publié le par Boualem Rabia, 30 yennayer 2006.


Nemlal
Timlilit igenni d yetran
Nebdha
Bettu n wefrux d izerman

Nemlal
Timlilit n wadhu d yifer
Nebdha
Bettu n yiger d wemger

Nemlal
Timlilit ucewwiq d wul
Nebdha
Bettu n tidets d uhheckul

Nemlal
Timlilit n targit d usefru
Nebdha
Bettu n timitt d unefru

Nemlal
Timlilit n lhhenni t-teslit
Nebdha
Bettu uzzekka d ddunit

Nemlal
Timlilit uzelmadh d uyeffus
Nebdha
Bettu n waman d wammus

Nemlal
Timlilit n tsusmi d wudghu
Nebdha
Bettu n wedfel d wurghu

Nemlal
Timlilit n tlalit de yizir
Nebdha
Bettu n lhhidh d wenyir

Nemlal
Timlilit n titt t-tazult
Nebdha
Bettu umardas d t3ezzult

Nemlal
Timlilit udinan d yenzizen
Nebdha
Bettu n tzizwa d warzzazzen

Nemlal
Timlilit n tesbuhhruts d yirij
Nughal digh nebdha
Bettu n waggur d yittij

Niqal nemlal
Timlilit n tejghimt d fad
Nughal digh nebdha
Bettu n ssix d ughalad.

Publié dans Poèmes

Pour être informé des derniers articles, inscrivez vous :
Commenter cet article